7 января в Набережночелнинском медресе "Ак мечеть" состоялась интеллектуальная игра среди женщин.
7 нче гыйнвар көнне Яр Чаллы шәһәре "Ак мәчет" мәдрәсәсендә кичке һәм читтән торып уку бүлегендә гыйлем алучы хатын-кызлар арасында пәйгамбәребез Мөхәммәд гәләйһиссәләм тормышына (Бәдер сугышына кадәр) багышланган интеллектуаль уен брейн-ринг үтте. Бәйгедә 4 команда катнашты:
1. Карлыгачлар ("Ак мәчет" мәдрәсәсенең читтән торып укучы шәкертләре);
2. Сыерчыклар ("Ак мәчет" мәдрәсәсенең кичке бүлек шәкертләре);
3. Тургайлар ("Ак мәчет" мәдрәсәсенең читтән торып укучы шәкертләре);
4. Сандугачлар ("Ак мәчет" мәдрәсәсенең кичке бүлек шәкертләре);
Бәйге 4 өлештән гыйбәрәт булып, бик кызыклы үтте. Ял итеп алган арада мәдрәсә мөгаллимнәре тарафыннан вәгазьләр сөйләнде.
Нәтиҗә:
1 урын: Карлыгачлар командасы;
2 урын: Сандугачлар командасы;
3 урын: Сыерчыклар командасы;
4 урын: Тургайлар командасы.